Deutsch English
Database for Kleiner Münsterländerar

Frøya N08676/01 på Brandalsfjella, Brandal, Møre og Romsdal.

Her er ein database (oppdatert 6. oktober 2010) over ca. 27.000 Kleiner Münsterländerar. I databasen er alle hundane i Danmark (ca. 9.700), alle i Sverige (ca. 7.300), alle i Noreg (ca. 2.000), alle i Finland (ca 1.200) og mange frå Tyskland (ca. 4.000). Du vil også finne nokre amerikanske, austerrikske, nederlandske, sveitsiske og tsjekkiske hundar.

For alle dei norske er det lagt inn tilgjengeleg HD-status. Jaktprøveresultat er lagde inn for dei norske hundane. Men det manglar ein del informasjon om tid og stad for nokre prøveresultat.

Hundane er sorterte etter registreringsnummer og ikkje etter namn. Registreringsnummera startar med dei nasjonale prefiksa: N for Noreg, S for Sverige, DK for Danmark, SF og FIN for Finland osb.

I denne versjonen av databasen vil du sjå hundane samla i "familiegrupper" og ikkje som slektstre.

Når ein lagar ein database over så mange hundar, er det uråd at han vert feilfri. Difor vil eg vere glad for å få melding om eventuelle feil .
Opplysningar om eigarar vil du finne under merknader - for dei hundane der dette er kjent.
For litt over 200 hundar er det innlagt bilete. Eg tek gjerne mot bilete eller andre opplysningar om fleire hundar.

På biletet under er Frøya med på harejakt i Nonsberget i Brandal.
Databasen er også lagd ut som slektstre (ca. 27.000 hundar). Her kan ein søkje på førenamn eller på registreringsnummer - eller begge deler. Her er det ikkje informasjon om HD eller jaktprøver. Ein kan velje mellom ulike språk. Programmet er laga for vanleg slektsgransking, og eg har ikkje høve til å endre på språket. Så derfor står det t.d. ekteskap i staden for tal på kull.

Klikk på knappen med treet på for å kome inn i denne versjonen av databasen (oppdatert 6. oktober 2010).

Kleiner Münsterländerar i Norden
Slektstre Kleiner Münsterländer

Det vil ta litt tid å laste ned databasen - men til gjengjeld er navigasjonen i slektstreet lynrask etterpå.

 

Lenkjer til Kleiner Münsterländersider
Databasen er laga av Sigurd Eliassen, N-6062 Brandal.
Startsida er oppdatert 6. oktober 2010