Tynner kan vi kjøpe her:
Fjærli Tønnefabrikk
6686 Valsøybotn.
Telefon 918 32785
Epost: tor.fjaerli@hotmail.com
Dei lagar heiltynner 120 L, halvtynner 60 L, fjerdingar/kvartingar 30 L og ottingar/åttingar 15 L.
Her ser vi tynner nokre medlemer i båtlaget har kjøpt og henta. Svært flotte tynner i alle storleikar.
Tynnemakar Tor Fjærli og sonen Torgeir ber tynnene ut i bilen vår.
Fjærli har vore på julemessa på Ishavsmuseet Aarvak i 2016, 2017 og 2019.
Hagevik Tøndefabrikk i Deknepollen er freda av Riksantikvaren.
Hagevik lagar heiltynner og halvtynner. Dei er på fjesbok.
Sverre Eidsvik skipshandel i Ålesund sel tynner produsert av Tre og Tønner i Holmefjord i Fusa.
Andre tynneprodusentar finn du her.
Diksel, drivholt og botnabrekkar til å opne og late att tynner med kan kjøpast her:
Bergfjord O Smie og mek verksted
Postboks 94
4296 Åkrehamn
Telefon 977 20197
Vi kjenner ikkje til andre som lagar slikt utstyr.
Frå venstre: drivholt (banddrivar/bløy/dreve/sett), diksel og botnabrekkar frå Bergfjord O Smie.
Kryddersats nr. 110 kan vi kjøpe hjå Gaute as i pakkar på 0,5 kg.
For bestillingar ring: 40 00 22 55, eller e-post til salg@gaute.no
Spekesild får vi når vi saltar sild med reint salt, og saltlaken er metta med salt. Konsistensen på spekesild er hard, men silda held seg svært lenge.
Dersom vi ynskjer sild med mjukare konsistens, må vi senke saltinnhaldet, og dette gjev matjesild. Då held silda seg ikkje så lenge som skarpsalta sild. Noko av saltet kan bytast ut med sukker. Dersom vi i tillegg let silda modne, dvs. fermentere, får silda ein mjuk konsistens. Dersom vi tilset krydder, får vi sukkersalta kryddersild.
Lang røynsle har synt at når vi brukar 84 kg sild og 21 kg salt/sukkerblanding per heiltynne sild, får vi ei god vare. Blandinga skal vere 2 delar salt og 1 del sukker. Før vi legg ned silda, kappar vi av hovudet.
Vi brukar 1 kg kryddersats nr. 110 per heiltynne.
Framgangsmåte
Legg eit tynt lag salt/sukkerblanding i botnen og deretter sild, salt/sukkeblanding og kryddersats nr. 110 lagvis. Dette får stå ei veke til silda har laka seg. Etterpå fyller vi tynna heilt full med lake av vatn og salt/sukkerblanding. 1 kg salt/sukkerblanding + 4 liter vatn. Set silda kjøleg for modning i 2-3 månader.
Ingrediens | Heiltynne 120 L | Halvtynne 60 L | Fjerding 30 L | Åtting 15 L |
Sild | 84,000 kg | 42,000 kg | 21,000 kg | 10,500 kg |
Salt | 14,000 kg | 7,000 kg | 3,500 kg | 1,750 kg |
Sukker | 7,000 kg | 3,500 kg | 1,750 kg | 0,875 kg |
Kryddersats nr. 110 | 1,000 kg | 0,500 kg | 0,250 kg | 0,125 kg |
Salta fisk skal helst lagrast kjøleg ved 4-5°C. Fleire forsøk har vist at ein temperatur på 4-5°C er så uendeleg mykje betre for lagringa enn 10-12°C. Det skuldast at lagring ved 10-12°C berre seinkar bakterieutviklinga. Ved 4-5°C stoggar bakterieutviklinga på ein heilt annan måte.